Skuadra e Atletico Madridit ka shprehur interesim për mesfushorin Dani Ceballos, përcjell të mërkurën “Marca”.
Mësohet se Atletico po synon transferimin e 27-vjeçarit në fund të këtij edicioni, pasi Ceballos është i gatshëm të largohet nga skuadra e Real Madridit.
Ceballos nuk është i kënaqur me minutazhën e tij këtë edicion te Reali, dhe Atletico është gati të ofroj mbi 10 milionë euro për kartonin e tij.
Ai deri më tani, ka shënuar një gol në 19 paraqitje për Real Madridin në të gjitha garat. Ceballos iu bashkua Realit në vitin 2017 nga Betisi, ndërsa për një periudhë ishte i huazuar edhe tek Arsenali.
