Prokuroria Themelore në Prizren ka ngritur aktakuzë kundër të pandehurit M.M shtetas i Shqipërisë, i cili gjendet në paraburgim nga data 25 janar për shkak dyshimit se ka kryer veprën penale”Dhënia e ryshfetit”.
Sipas komunikatës bëhet e ditur se i pandehuri me datën 25 janar 2024, në pikën kufitare në Vërmicë, në mënyrë të drejtpërdrejtë i afrohet tek kabina e zyrtarit policor të Kosovës, me ç`rast derisa ky i fundit ishte duke bërë kontrollimin e dokumenteve, i pandehuri ia vendos në tavolinën e tij të punës shumën e parave prej dhjetë euro, i njëjti menjëherë ishte ndaluar nga Policia e Kosovës.
Në komunikatë thuhet se prokurori i çështjes i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartë cekur për veprën penale për të cilën akuzohet të shpallet fajtor dhe të dënohet sipas ligjit./teve1.info/
