Ambasadori i SHBA-së në Kosovë, Jeffri Hovenier, ka përsëritur qëndrimin e këtij shteti për shtyrjen e zbatimit të rregullores së BQK-së që ndalon qarkullimin e dinarit serb në Kosovë.
Ai në një deklarim për media pas takimit të kryeministri Kurti me ambasadorët e akredituar në Kosovës, nuk foli nëse nga Qeveria kanë dhënë sinjale për ndonjë ndryshim, por siç tha ai nëse nuk ka ndonjë reflektim kjo çështje do të ndikojë në partneritetin mes dy vendeve
“SHBA pret që të shtyhet zbatimi i vendimit derisa të krijohet kushte për individët që të marrin pengesa… Kemi brenga shumë të thella për mënyrën se si po zbatohet kjo rregullore. Shpresojmë së Qeveria do të pajtohet me këtë, kjo është ajo, ku ne kërkojmë partneritet dhe se Qeveria është e gatshme për partneritet. Nëse Qeveria s’do të bashkëpunojë me neve kjo ka për të ndikuar në partneritetin dhe cilësinë e partneritetit tonë”, tha ai transmeton teve1.info.
Hovenier ka thënë se ndonëse Shtetet e Bashkuara e mirëpresin vendimin e Kosovës për respektim të Kushtetutës së vendit, SHBA-ja beson që duhet të ketë periudhë edukuese për rregulloren e re.
