Sipas tij, ky kallëzim penal është ushtruar më 22 qershor 2021.
“Ne pasi kemi filluar të marrim vendime pozitive në favor të punëtorëve, ne si Sindikatë ju kemi drejtuar organeve të sigurisë dhe kemi paraqitur një rast në polici dhe policia e ka drejtuar tek prokurorja, prokurorja ka dhënë urdhër që të na intervistojë punëtorëve që janë larguar nga puna dhe jemi në një pritje të një rezultati të marrjes së një kahje të kësaj çështje dhe besojmë shumë që organet e Prokurorisë do të merren me këtë rast…Momentalisht ne jemi pak të dëshpëruar se u bë një vit prej paraqitjes të këtij rasti dhe nuk kemi pos intervistave që na kanë marrë, neve nuk kemi ndonjë aktivizim të prokurorisë, të organeve të drejtësisë që duhet të merren me këtë rast, sepse në aeroport nuk ka lëvizje, nuk ka ndalje të presionit, nuk ka ndalje të hakmarrjes, është duke vazhduar e njëjta tempo”, tha ai në emisionin “De Jure” në Tëvë1.
Në një përgjigje me shkrim nga Prokuroria Themelore në Prishtinë, është e ditur se kjo lëndë është pranuar tek në mars të këtij viti.
“Referuar kërkesës së parashtruar nga ana juaj, ju njoftojmë se Prokuroria Themelore në Prishtinë e ka pranuar këtë rast, më 11.03.2022 dhe se i njëjti ndodhet në trajtim”, thuhet në përgjigjen dhënë për emisionin “De Jure”.
Për më shumë, ndiqeni hulumtimin “Hakmarrja e Limak-ut ndaj punëtorëve”, i cili transmetohet në Tëvë1 dhe “Betimi për Drejtësi”./Teve1.info/
