Real Madridi ka shprehur interesim për mbrojtësin e krahut të majtë, italianin Andrea Cambiaso ka njoftuar të premten “Tuttosport”.
Bëhet e ditur se Reali po synon transferimin e 23-vjeçarit në fund të këtij edicioni dhe së shpejti do ta kontaktoj Juventusin në lidhje me këtë çështje.
Reali është i gatshëm të ofroj deri 50 milionë euro për ta bindur Juventusin në lirimin e Cambiasos, i cili po pëlqehet shumë nga trajneri i ekipit Carlo Ancelotti.
Cambiaso ka kontratë me Juventusin deri në vitin 2027, ndërsa këtë edicion ka treguar paraqitje të mira për ekipin nga Torino. Në 21 ndeshje të luajtura në të gjitha garat, ai ka kontribuar me dy gola dhe katër asistime.
