Kryetari i Aleancës për Ardhmërinë e Kosovës, Ramush Haradinaj, gjatë vizitës së tij në Shtetet e Bashkuara të Amerikës e ka vizituar Federatën Pan-Shqiptare të Amerikës “Vatra”, raporton teve1.info
Përmes një postimi në Facebook, Haradinaj ka shkruar se gjatë takimit me anëtarët e kësaj federate, ka theksuar nevojën e anëtarësimit të Kosovës në NATO.
“Vlerësova rolin e Vatrës në ndihmë të shtetit të Kosovës dhe çështjes shqiptare në përgjithësi në të gjitha etapat. Në takim të përzemërt e vëllazëror fola hapur për nevojën e vazhdueshme që të gjitha organizimet shqiptare në Amerikë të vazhdojnë ta ndihmojnë Kosovën në të gjitha sferat.
Theksova se anëtarësimi i Kosovës në NATO, është synimi ynë kryesor, sepse kjo e bën Kosovën dhe rajonin më të sigurt dhe e ndihmon paqen në botë, gjithnjë krah ushtrive të vendeve demokratike në krye me Amerikën”, ka shkruar Haradinaj.
