Sipas tij, ky presion ka filluar qysh nga gushti i vitit 2019 kur punëtorët kishin hyrë në grevë për të kërkuar kompensimin për rrezikshmëri, eliminimin e dallimeve në paga në rastet ku punëtorët kanë detyrat dhe përshkrimin e njëjtë të punës, pagesën për orët e punës gjatë vikendit, si dhe pagesa e shujtës.
“Në aeroport gjithçka mund të ketë, mirëpo atmosferë pune nuk ka, sepse është një presion që bëhet vazhdimisht prej 2019 dhe derisa të është kjo mendësi e menaxherëve lokal që sa të mundem t’i hakmerrem punëtorëve, nuk do të ketë aty proces të punës qysh duhet dhe është më keq se dëmtohet edhe shëndeti i punëtorëve, sepse çdo ditë punëtorët shkojnë tek mjekët dhe kur vijnë drejtori i Burimeve Njerëzore nuk ua pranon ato letra, sepse ju thonë natën ju nuk mund të punoni, ku duhet të shkojmë, ju duhet të shkoni në Obiliq tek mjekësia e punës, shkojnë edhe aty. Kemi punëtorë që edhe mjekësia e punës në Obiliq ua ka ndaluar të punojnë natën, mirëpo ai prapë i qet natën”, tha Latifi në emisionin “De Jure” në Tëvë1.
Për më shumë ndiqeni, hulumtimin “Hakmarrja e Limak-ut ndaj punëtorëve”, i cili transmetohet në Tëvë1 dhe “Betimi për Drejtësi”./Tëvë1/
