Policia e Kosovës ka arrestuar një 22 vjeçar, pasi gjatë kontrollit në veturën e tij janë gjetur dhe sekuestruar 11 kilogramë substancë narkotike të llojit marihuanë.
Sipas njoftimit të policisë, vetura me të vërejtur zyrtarët policorë ka tentuar të shmanget, ku gjatë largimit ka goditur njërin prej zyrtarëve policor, duke i shkaktuar lëndime trupore.
“Policia e Kosovës, konkretisht njësia patrulluese e Policisë Kufitare në Gjilan, në kuadër të luftës për parandalim dhe luftim të veprave të kundërligjshme, më datën 30.01.2024, rreth orës 14:30 gjatë patrullimit rutinë në fshatin Llovcë, kanë vërejtur lëvizje të dyshuara të një veture VË ngjyrë hiri me targa vendore”, thuhej në njoftim.
Policia ka bërë të ditur se me vendim të prokurorit i dyshuari është ndaluar për 48 orë, kurse është identifikuar edhe një person tjetër i dyshuar i cili gjendet në kërkim policor./teve1.info/