Drita ka shënuar fitore të thellë në udhëtim ndaj Feronikelit. Intelektualët në “Rexhep Rexhepi”, triumfuan me shifra 5:0, në kuadër të xhiros së 28-t në Superligë.
Të kaltërit në pjesën e parë arritën edhe ta përfundojnë enigmën e fituesit para kohe, ku shënuan plot katër herë. Marko Simonovski (12′, 37′), Almir Kryeziu (26′) dhe Hamdi Namani (34′), shënuan golat në pjesën e parë.
Ndërkaq në franksionin e dytë, Muharrem Jashari vulosi fitoren e thellë te Dritës. Ishte minuta e 70-t kur mesfushori e dërgoj topin në rrjetë.
Drita me këtë fitore tani ka 52 pikë, ndërsa Feronikeli zë vendin e fundit me 12 sosh.
Kurse, Llapi ka prish agjërimin pa fitore. “Legjendat” në udhëtim te Ulpiana, triumfuan me shifrat 2:0.
Dardan Jashari kaloj në avantazh Llapin, duke shënuar edhe golin e tij të parë me ekipin llapjan. Jashari realizoi gol të bukur me kokë, pasi u hodh më së larti brenda në zonë. Ai realizoi në minutën e 36-të, duke shkuar në pushim me epërsi minimale.
Ndërkohë, Festim Alidema në minutën e 77-t përmbylli edhe dilemën e fituesit në këtë takim. Tani, Llapi pas kësaj fitore është ngritur në kuotën e 44 pikëve, kurse Ulpiana mbetet në vendin e parafundit me 24 sosh.
/Tëvë1/