Ministri i Mbrojtjes, Ejup Maqedonci ka vizituar Komandën e Forcave Speciale Turke ku është pritur nga Komandanti i Forcave Speciale, general Omer Ertugrul Erbakan.
Sipas njoftimit të ministrisë në Facebook, të dy palët gjatë takimit kanë diskutuar rreth programeve trajnuese të Forcave Speciale Turke që mund të ndjekin ushtarakët e Forcës Speciale të FSK-së.
Ndryshe, ministri Maqedonci ka falënderuar Gjeneralin Erbakan për mbështetjen e deritanishme, ndërsa ata janë dakorduar për të vazhduar bashkëpunimin me qëllim avancimin e kapaciteteve profesionale të FSK-së./teve1.info/
