Kurti ka njoftuar se në ditën e parë të Forumit është takuar me Kryetarin e Presidencës së Bosnje e Hercegovinës, Shefik Xhaferoviq dhe me Kryeshefin Ekzekutiv të Forumit të Fondeve Sovrane të Pasurisë (IFSWF), Ducan Bonfield.
“Në ditën e parë të Forumit u takova me Kryetarin e Presidencës së Bosnje e Hercegovinës, z.Shefik Xhaferoviq, me të cilin biseduam mbi mundësitë e forcimit dhe përparimit të bashkëpunimit ndërmjet vendeve tona, përkundër pengesave politike. Me Kryeshefin Ekzekutiv të Forumit Ndërkombëtar të Fondeve Sovrane të Pasurisë (IFSWF), z.Duncan Bonfield diskutuam për Fondin Sovran të Republikës së Kosovës dhe mënyrat se si IFSWF mund të na ndihmojë me dijen dhe përvojën e tyre”, ka shkruar Kurti.
Tutje Kurti ka bërë të ditur se në ditën e dytë të takimeve është takuar me Përfaqësuesin Special të Bashkimit Evropian për Dialogun Kosovë-Serbi, z.Miroslav Lajçak me të cilin kanë biseduar për dialogun, raporton teve1.info
“Në ditën e dytë takova Përfaqësuesin Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, z.Miroslav Lajçak, me të cilin biseduam për mbarëvajtjen e procesit të dialogut dhe hapat e ardhshëm në këtë proces”, ka njoftuar Kurti.
Kurti tha se Gabriel Esocar, Zëvendësndihmës Sekretari Amerikan i Shtetit për Çështje të Evropës dhe Euroazisë, njëherit i dërguar i posaçëm i ShBA-ve për Ballkanin Perëndimor i ka rikonfirmuar në takim mbështetjen e ShBA-ve për Kosovën.
“Zëvendësndihmës Sekretari Amerikan i Shtetit për Çështje të Evropës dhe Euroazisë, njëherit i dërguar i posaçëm i Shteteve të Bashkuara të Amerikës për Ballkanin Perëndimor, z.Gabriel Escobar ma rikonfirmoi në takim mbështetjen e ShBA-së për Kosovën, sovranitetin e integritetin e saj territorial dhe për aspiratat për integrime evropiane dhe euroatlantike”
Kryeministri Kurti theksoi se me Kryeshefin Ekzekutiv të Copelouzos Group, Christos Copelouzos kanë folur për mundësitë që Kosova ofron për investime, shkruan teve1.info
Në Forumin Ekonomik të Delfit ishin edhe Zëvendëskryeministrja, njëherësh ministre e Punëve të Jashtme e Diasporës, Donika Gërvalla, zëvendësministri i Punëve të Jashtme dhe Diasporës, Kreshnik Ahmeti, zëvendësministrja e Punëve të Jashtme dhe Diasporës, Liza Gashi dhe udhëheqësi i Zyres së Interesave të Kosovës në Athinë, Fitim Gllareva.
Postimi i plotë i Kurtit:
