Zëvendëskryeministrja dhe ministrja e Punëve të Jashtme, Donika Gërvalla – Schwarz ka thënë se Këshilli i Evropës do të duhej të hapte derën për Kosovën që në majin e këtij viti.
Kjo pasi sipas Gërvallës, Kosova do të obligohet edhe pas anëtarësimit në Këshill të Evropës sepse siç tha ajo, nga asnjë shtet tashmë pjesë e këtij këshilli nuk është kërkuar 100 për qindëshi para anëtarësimit.
“Është e zakonshme që gjatë anëtarësimit gjatë procesit të anëtarësimit në Këshillin e Evropës raportuesit vënë në pah shumë vërejtje të cilat i kanë gjatë procesit mirëpo ne duhet të kemi edhe diçka që do të obligohemi pas anëtarësimit në Këshillin e Evropës pra nuk mund të kërkohet 100 për qind nga Kosova sepse nuk është kërkuar nga asnjë shtet plotësimi i 100 për qind dhe nuk pretendojmë të kemi arritur standardet e shteteve themeluese të Këshillit të Evropës për të thënë vetëm një fakt Azerbejxhani dhe Armenia janë pranuar në këshill në të njëjtën ditë ndërkohë që kanë qenë në luftë ndaj njëri tjetrit me shpresë që anëtarësimi do ta bëjë të mundur paqen mes atyre vendeve”, tha Gërvalla në emisionin “Këndi i Debatit” në Tëvë1.
Derisa sipas zëvendëskryeministres,Kosova sa i përket kritereve është shumë më e përgatitur se shumica absolute e shteteve që kanë hyrë në vitet e 90-ta dhe më vonë në Këshillin e Evropës.
“Unë mendoj që Këshilli i Evropës nëse e ka seriozisht pretendimin që dëshiron që në Kosovë jo vetëm të drejtat individuale, por edhe ato kolektive të komuniteteve pakicë të jenë më të fuqishme, duhet të hapë derën për Republikën e Kosovës mundësisht që në majin e këtij viti. Ne jemi duke punu për ditë, nuk ka ditë që kalon ku diplomatët në vendet e ndryshme të shteteve anëtarë të Këshillit të Evropës nga Ministria e Punëve të Jashtme, Presidenca, Kryeministria, Kuvendi, kryetari i Kuvendit do të jetë në Strasburg gjatë këtij sesioni dhe do të ketë takime të panumërta. Ne detyrën tonë për të informuar, për të shprehur vullnetin tonë, për të treguar rezultatet tona, Kosova sa i përket kritereve është gogja më e përgatitur sesa shumica absolute e shteteve që kanë hyrë në vitet e 90 dhe më vonë në Këshillin e Evroipës”, shtoi Gërvalla./teve1.info./