Kryeministri i vendit, Albin Kurti ka kujtuar ditën e 22 janarit të vitit 1998, kur njësite të policisë së Serbisë, e kryen aksionin e dytë kriminal mbi familjen e Shaban Jasharit në Prekaz të Poshtëm të Drenicës
Kurti tha se pavarësisht mobilizimit të njësivë speciale serbe, ata nuk kishin planifikuar që “Shaban Jashari me familjen e tij nuk dorëzohej, sepse ishte i armatosur edhe me armë zjarri edhe me armët e idealeve të lirisë, të guximit për të luftuar dhe për të jetuar në liri sipas traditave shqiptare”.
Derisa sot në 26 vjetorin nga aksioni i policisë serbe në Prekaz dhe rezistencës së familjes së Shaban Jasharit Kurti ka thënë se i kujtojmë këto ngjarje sot dhe në çdo përvjetor, sepse sipas tij, janë kapituj historie në rrugën e gjatë të shqiptarëve për t’u çliruar nga Serbia dhe për të jetuar të lirë në Kosovë!