Zyrtari i LDK-së, Berat Rukiq ka ironizuar me Lëvizjen Vetëvendosje në lidhje me mospërfundimin e autostradës Prishtinë-Gjilan gjatë vitit 2023.
Ai ka përdorur moton e partisë në pushtet, “Krejt dhe Drejt” duke e modifikuar atë në “Krejt dhe drejt në baltë”, shkruan teve1.info
“Krejt dhe drejt në baltë. Ilustrim i qartë i qeverisjes së pushtetit aktual dhe ku jemi duke përfunduar me këtë pushtet. Pra përfundimin e kemi në baltë, gropa dhe rrugë pa krye. Te paaftë dhe të dëmshëm”, ka shkruar ai.
Ndryshe, kryeministri i Kosovës, Albin Kurti, në muajin korrik të vitit 2023, kishte inspektuar punët në këtë autostradë. Ai kishte premtuar se “punimet do përfundojnë brenda vitit 2023, pasi kanë përfunduar 70 për qind e punimeve”.
Në vitin 2018, është thënë se kjo autostradë, buxhetit të Kosovës, do t’i kushtojë 87 milionë euro. Por, në Ligjin për ndarje buxhetore të këtij viti, thuhet se vlera totale e kësaj autostrade është rreth 129 milionë euro./teve1.info