Pasditen e së martës, për rreth objektit të Klinikës së Patologjisë u vendosen shiritat e Policisë.
E brenda kësaj hapësire me konkretisht ne Institutin Paraklinik dyshohej për mjet shpërthyes.
Nga Policia e Kosovës dhanë detaje për rastin.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual, duke evakuuar personelin përreth dhe siguruar perimetrin e nevojshëm. Rreth orës 16:15, ekipet e specializuara të Policisë së Kosovës për menaxhimin e mjeteve shpërthyese, kanë përfunduar me pastrimin e vendngjarjes nga mjetet e dyshuara. Të njëjtat janë tërhequr nga vendi i ngjarjes dhe nuk paraqesin rrezik pasi që janë materiale shkollore”, tha zëdhënësi Agron Borovci.
E mjetet dyshohet që të jetë, i kohës se paraluftës.
“Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese. Mjetet dyshohet të jenë nga koha e paraluftës dhe janë gjetur gjatë inventarizimit të inventarit nga Oda e Mjekëve”, tha zëdhënësi i SHSKUK-së, Shpend Fazliu.
Kujtojmë që edhe më parë kishte alarme të tilla për bombë në disa prej institucioneve, por të cilat kishin rezultuar të rrejshme.
