Kryetari i Prishtinës, Përparim Rama i ka dhuruar sot mirënjohje kameramanit Sylejman Kllokoqi i cili xhiroi pamjet e Masakrës së Reçakut, shkruan teve1.info.
Rama tha se përmes pamjeve të xhiruara nga kameramani Kllokoqi, e të transmetuara nga agjencia botërore e lajmeve, Associated Press bota i pa krimet e rënda ndaj civilëve në Kosovë.
Derisa theksoi se Sylejman Kllokoqi me punën dhe guximin ka shkruar një faqe të rëndësishme në historinë tonë.
“Realitetin e ashpër në Kosovë, horrorin e krimit mbi njerëzit tanë të pafajshëm e pa me sytë e vetë, ambasadori i OSBE-së, Ëilliam Ëalker, i cili përmes pamjeve të xhiruara nga Sylejman Kllokoqi e të transmetuara nga agjencia botërore e lajmeve, Associated Press, i tregoi botës për krimet e rënda ndaj civilëve në Kosovë. Zëri i z.Ëalker dhe e vërteta e masakrës së Reçakut patën ndikimin e duhur për të ndalur spastrimin etnik që ishte duke iu bërë popullit tonë. Sylejman Kllokoqi , me punën dhe guximin tënd, ke shkruar një faqe të rëndësishme në historinë tonë”, shkroi Rama në Facebook.
Ndryshe, sot u shënua 25 vjetori i masakrës së Reçakut, njëra ndër masakrat më të tmerrshme ndaj popullsisë shqiptare të Kosovës. /teve1.info/
