Ka përfunduar protesta e mbajtur nga qytetarët për lirimin e rrugës “Xhorxh Bush” në Prishtinë.
Sipas ekipit të Tëvë1, qytetarët kanë kërkuar lirimin e rrugës për qarkullim të automjeteve, pasi që e konsiderojnë se mbyllja e kësaj rruge i ka shkaktuar dëme qytetit dhe vet qytetarëve.
Protesta është organizuar nga “Vrojtuesit e Lagjes” që është mbajtur në sheshin “Xhorxh Bush” në kryeqytet, ku ka filluar nga ora 12:00.
“Përparim Rama premtoi se rruga do të mbyllej vetëm për një test 1-javorë, pastaj tha se do të ishte e mbyllur vetëm për trafikun urban, duke lejuar kalimin e autobusëve dhe taxit. Megjithatë, realiteti është një varg gënjeshtrash pas gënjeshtrash, duke mbyllur rrugën përfundimisht.
Kërkojmë një Prishtinë më të lirë dhe të përshtatshme për të gjithë. Ju lutemi, bashkohuni për një qytet më të mirë dhe më të hapur”, thuhet në njoftimin e “Vrojtuesit të Lagjes”./teve1.info/
