Kryeministri i Irlandës Leo Varadkar, ka deklaruar se takimi me kryeministrin Albin Kurti ishte konstruktiv, shkruan teve1.info.
Varadkar në konferencën e përbashkët pas takimit tha se është krenarë për kontributin e ushtarëve irlandezë të KFOR-it në Kosovë dhe ata të cilët janë pjesë e EULEX-it.
“Kurti dhe unë kishim një takim konstruktiv dhe mundësi e mirë që të kuptojmë për zhvillimet rajonale dhe kombëtare. Diskutuam për marrëdhëniet bilaterale mes vendeve që janë të ngrohta dhe të cilat po përmirësohen edhe më tutje. Jam shuam krenarë për kontributin që anëtarët e ushtrisë sonë e bëjnë këtu si pjesë të KFOR-it si dhe irlandezët si civil që janë pjesë e EULEX-it. Dhe kjo ka të bëjë me mbrojtjen e paqes këtu dhe ndërtimin e stabilitetit edhe të institucioneve që mezi pres ti takojë pra edhe EULEX-in edhe KFOR-in”, tha kryeministri irlandez.
Derisa theksoi se e ardhmja e Kosovës është në Bashkimin Evropian dhe në Këshillin e Evropës e për këtë, ai tha se Irlanda do të jetë gjithmonë përkrah dhe do ta mbështesë Kosovën.
“Pajtohemi që e ardhmja e Kosovës është në Bashkimin Evropian dhe në Këshillin e Evropës dhe do ta përkrahë Kosovën që sivjet të bëhet anëtare e Këshillit të Evropës”, tha ai.
Varadkar përmendi shkurt edhe çështjen e dialogut mes Kosovës dhe Serbisë për të cilën tha se “dialogu është jetik për të arritë një harmoni dhe nuk dua të shoh kthim të skenave të dhunshme që i pamë në shtator dhe në maj”./teve1.info./