Koordinatorja për Siguri dhe Mbrojtje në Partinë Demokratike të Kosovës, Besa Kabashi Ramaj ka kritikuar Qeverinë Kurti për sa i përket aleancës me partnerët ndërkombëtarë e në veçanti në çështjen e dialogut.
Kabashi – Rama vlerësoi se qeverisja aktuale me mënyrën se si i ka trajtu marrëdhëniet me Shtetet e Bashkuara të Amerikës dhe aleatët ndërkombëtarë, për herë të parë e ka pozicionu Kosovën në në pozitë të pafavorshme kundrejtë shtetit të Serbisë.
“Në situatën aktuale në të cilën jemi, hapat që i ka ndërmarrë Qeveria në dy tri vitet e fundit, mënyra se si e ka trajtu marrëdhënien me SHBA-në dhe me aleatë Qeveria aktuale e ka pozicionu për herë të parë në historinë e vendit tonë të ri e ka pozicionu Kosovën në pozitë të pafavorshme kundrejtë Serbisë. Në mënyrë jo fer mirëpo e ka pozicionu ashtu sepse nuk ka ditë të mendojë dhe të veprojë strategjikisht që Kosova ta mbajë prap atë pozicionin e epërsinë që e ka pasë gjithmonë në tryezën negociatore, dhe të mos ketë luhatje apo tërheqje komplet të qëndrimeve paraprake që kanë qenë për njohjen e ndërsjellë tani ajo as nuk përmendet”, tha ajo në emisionin “Ditari” në Tëvë1.
Derisa sipas Kabashi – Ramës, është sjellje “fëminorë” që kryeministri i një vendi, të thotë se nuk kemi nevojë për këshillën e partnerit më të rëndësishëm e strategjik të vendit, pra SHBA-në.
“Është infantile që kryeministri i një vendi është fëminore që kryeministri i një vendi me thënë që nuk kemi nevojë me ndëgju këshillën e partnerit tonë më të rëndësishëm strategjik i cili në fakt e ka ndihmu dhe ka qenë shtytësi kryesor i pavarësisë së vendit mbrojtjes së vendit”, shtoi ajo./teve1.info./
