Rrjedha e afatit 30 ditor për mbledhjen e nënshkrimeve për peticionin që i hap rrugë shkarkimit të kryetarëve të komunave veriore ka filluar. Madje, këtë javë Mitrovica e Veriut pret që të njoftohet për lokacionin ku do të mblidhen peticionet.
Hapi vijues që do i largonte kryetarët shqiptarë nga katër komunat veriore është peticioni.
E këtë javë pritet që autoritetet në Komunën e Mitrovicës së Veriut të informohen edhe rreth lokacionit ku do të mblidhen nënshkrimet.
Këtë e ka thënë për Tëvë1 kryetari i kuvendit komunal të Mitrovicës së Veriut, Nexhat Uglanin.
Kurse kryetari i Komunës së Leposaviqit, Lulzim Hetemi, thotë se do i hapë rrugë këtij procesi vetëm sipas ligjeve të Republikës së Kosovës.
Ndërsa kryetari i Zubin Potokut, Izmir Zeqiri, thekson mungesën e interesimit të qytetarëve për të quar komunat në zgjedhje.
Për iniciativat e grupeve nismëtare në komunat e Mitrovicës së Veriut, Leposaviqit, Zubin Potokut dhe Zveçanit të martën ministri i Administritmit të Pushtetit Lokal, Elber Krasniqi është takuar me përfaqësuesit diplomatikë të shteteve të QUINT-it dhe zyrës së BE-së në Kosovë.
Krasniqi tha që mbesin të përkushtuar që të ndërmarrim të gjitha veprimet dhe vendimet e nevojshme që vullneti i qytetarëve të realizohet bazuar në udhëzimin administrativ.
Venhar Isufi
