Është parandaluar kontrabandimi i 4 mijë e 200 eurove në Qendrën e Paraburgimit në Prishtinë gjatë ditës së martë, raporton teve1.info
Lajmin e ka bërë të ditur ministrja e Drejtësisë, Albulena Haxhiu, e cila ka thënë se ndaj të burgosurit tek i cili kanë qenë të dedikuara mjetet, është iniciuar procedurë disiplinore.
“🛑Ndalohet kontrabanda në Qendrën e Paraburgimit në Prishtinë
Sot në Qendrën e Paraburgimit në Prishtinë, oficerët korrektues kanë arritur të parandalojnë futjen e kontrabandës brenda qendrës. Mjete monetare në vlerë prej 4200 euro.
Për rastin është njoftuar edhe policia e Kosovës.
I burgosuri ndaj të cilit kanë qenë të dedikuara mjetet është veçuar dhe ndaj tij është iniciuar procedurë disiplinore”, ka shkruar Haxhiu ndër të tjera.
