Dy avionë ushtarakë amerikanë fluturuan mbi Bosnjë të hënën në shenjë mbështetjeje për tërësinë tokësore të Bosnjës e Hercegovinës përballë politikave ndarëse të udhëheqësit pro rus të serbëve të Bosnjës, Milorad Dodik.
Në njoftimin nga Ambasada Amerikane në Sarajevë, thuhet se avionët F-16 fluturuan si pjesë e stërvitjes së përbashkët me forcat boshnjake.
Derisa thuhet se fluturimet u kryen në rajonet e qytetit lindor të Tuzlës dhe në veri të Bërçkos.
“Kjo stërvitje dypalëshe është një shembull i bashkëpunimit të përparuar ushtarak që i kontribuon paqes dhe sigurisë në Ballkanin Perëndimor, si dhe demonstron përkushtimin e Shteteve të Bashkuara për të garantuar tërësinë tokësore të Bosnjës e Hercegovinës përballë veprimtarive kundër (marrëveshjes) së Daytonit”, thuhet në njoftimin.
“Shtetet e Bashkuara kanë nënvizuar se Kushtetuta e Bosnjës dhe Hercegovinës nuk përmban të drejtën e shkëputjes dhe do të veprojë nëse dikush përpiqet të ndryshojë këtë element themelor” të marrëveshjeve të paqes së Dejtonit që i dha fund luftës së viteve 1992-95 në vend”, thuhet tutje.
Today’s bilateral training, which will include two U.S. Air Force F-16 Fighting Falcons conducting air-to-ground training with U.S. Army Special Forces and Armed Forces of Bosnia and Herzegovina, is an example of advanced military-to-military cooperation between our two countries…
— US Embassy Sarajevo (@USEmbassySJJ) January 8, 2024
