Ish-ushtarit të Ushtrisë Çlirimtare të Kosovës, Hasan Dakaj, i cili është arrestuar nga autoritetet serbe të premten në pikën kufitare në Merdarë, i është caktuar masa e paraburgimit prej një muaj në Serbi.
Avokati i tij i angazhuar nga familja, Xhevdet Smakiqi e konfirmoi për Tëvë1.
“E konfirmoj se Dakajt i është caktuar masa e paraburgimit prej një muaji”, tha ai.
Derisa Smakiqi bëri të ditur se avokati nga Serbia do të ushtrojë ankesë në shkallën e dytë ku do të kërkojë lirimin e tij.
Ndryshe, avokati Xhevdet Smakiqi kishte njoftuar se ish-ushtari i UÇK-së, Hasan Dakaj ishte arrestuar në Merdarë.
Smakiqi tha se ai u arrestua gjatë kohës sa po kalonte kufirin për të shkuar në Itali së bashku me vëllanë e tij. Ai konfirmoi se sipas informatave të para atë e kanë dërguar në qendrën e ndalimit në Kurshumli.
