Kryetari i Aleancës për Ardhmërinë e Kosovës, Ramush Haradinaj, ua ka uruar të gjithë besimtarëve të fesë ortodokse festën e Krishtlindjes.
Në një postim në Facebook, Haradinaj ka shkruar se festat fetare gjithmonë u ka shërbyer qytetarëve të Kosovës, për ta kultivuar solidaritetin mes tyre.
“Të gjithë qytetarëve të Kosovës, që sot festojnë krishtlindjen ortodokse, gëzuar për shumë mot! Me këtë rast, i uroj edhe miqtë tanë ndërkombëtarë që shërbejnë në misionet e ndryshme në vendin tonë, si dhe të gjithë të krishterët e ritit ortodoks. Festat fetare gjithmonë u kanë shërbyer qytetarëve të Kosovës, por edhe të gjjthë njerëzve vullnetmirë, për ta kultivuar solidaritetin ndërmjet tyre. Krishtlindjen ortodokse, i kremtofshi në paqe, me familjet tuaja, me mirësi e begati!”, ka shkruar Haradinaj./teve1.info/
