CNN ka publikuar së fundmi indeksin mbi lirinë e lëvizjes të nxjerrë nga kompania me bazë në Londër Henley & Partners, e cila ka monitoruar rregullisht pasaportat më të përshtatshme për udhëtime në botë që nga viti 2006.
Sipas Henley & Partners pasaporta më shumë e “ndëshkuar” aktualisht është ajo e Rusisë për shkak të sanksioneve të Perëndimit, ndërsa nuk ka ndonjë ndryshim të madh sa i përket kreut të listës për pasaportat më të fuqishme.
Kompania në fjalë deklaroi se , pasaportat më të fuqishme janë ato të Japonisë dhe Singaporit, me të cilat mund të udhëtosh pa vizë në 192 destinacione.
Kurse shteti më i ndëshkuar është Afganistani, me pasaportën e të cilit mund të udhëtosh pa vizë vetëm në 26 shtete, më pas vjen Iraku me 28 shtete, Siria me 29 shtete, Pakistani me 31, Jemeni me 33, Somalia me 34, Palestina me 37 dhe Koreja e Veriut me 39.
Ndërkohë, Shqipëria renditet në vendin e 51 me 114 destinacione, Kosova renditet në vendin e 77, ndërsa Serbia dhe Maqedonia e Veriut janë para nesh me respektivisht në vendin e 37 dhe 44./EO/
