Rastet e dhunës në familje nuk janë të rralla në vend. Në raportin ditor të Policisë së Kosovës raportohen të tilla thuajse çdo ditë. Edhe 24 orëshin që lamë pas janë shënuar katër raste dhune, raporton Teve1.info.
PK njofton se dy raste janë raportuar nga gratë të cilat kanë qenë viktima të dhunës nga burrat. Rastet kanë ndodhur në Obiliq e Prishtinë.
Ndërsa dy të tjera thuhet se janë të raportuara nga viktima meshkuj që janë kanosur verbalist e fizikisht.
Raporti i plotë:
DHUNË NË FAMILJE
Obiliq 02.01.2024-22:00. Është shoqëruar në stacionin policor i dyshuari mashkull kosovar pasi që ka sulmuar fizikisht viktimën femër kosovare. Viktima ka pranuar tretman mjekësor. Me vendim të prokurorit pas intervistimit palët janë liruar dhe rasti shkon në procedurë të rregullt.
Prishtinë 09-2022-09-2023. Ankuesja femër kosovare ka njoftuar se nga i dyshuari mashkull kosovar ka pasur dhunë fizike dhe psikike. Lidhur me rastin janë ndërmarrë veprimet policore për procedurat e mëtejme hetimore.
Obiliq 02.01.2024-19:00. Viktima mashkull kosovar ka njoftuar se është kanosur verbalisht nga i dyshuari mashkull kosovar. I dyshuari gjendet në arrati. Rasti nën hetime.
Fushë Kosovë 02.01.2024-18:00. Viktima mashkull kosovar ka njoftuar se pas një mosmarrëveshje është sulmuar fizikisht nga i dyshuari mashkull kosovar. Viktimës i janë shkaktuar lëndime të lehta trupore dhe i njëjti ka pranuar tretman mjekësor. Me vendim të prokurorit pas intervistimit i dyshuari lirohet në procedurë të rregullt.
