Dy qytetarë në Gjakovë janë arrestuar pasi kishin shtënë natën e Vitit të Ri me armë zjarri, raporton teve1.info
Sipas Policisë së Kosovës, të dyshuarit janë identifikuar përmes kamerave të sigurisë dhe janë arrestuar.
Po ashtu sipas njoftimit, tek të dyshuarit janë gjetur dhe konfiskuar edhe disa armë dhe municion.
“Rr. Edit Durham, Gjakovë 31.12.2023 – 00:00. Njësiti policor pas sigurimit të një video incizimit ku dy të dyshuar gjuajnë me armë zjarri, dhe pas një pune hetimore kanë identifikuar dhe arrestuar dy të dyshuarit meshkuj kosovarë. Nga të dyshuarit janë konfiskuar dy armë, dy karikator dhe dy gëzhoja të kalibrit 9mm. Pas intervistimit dy të dyshuarit lirohen në procedurë të rregullt”, thuhet në komunikatë.