Japonia ka lëshuar një paralajmërim të madh për cunami pas tërmetit me magnitudë 7.6 ballë që goditi rajonin qendror
Banorëve në zonën bregdetare Noto në prefekturën Ishikawa iu kërkua “të evakuoheshin menjëherë në tokat më të larta”, tha transmetuesi kombëtar NHK, raporton BBC.
Një seri prej më shumë se 20 tërmetesh goditi Japoninë qendrore më herët të hënën, me të tjerë që pritet të pasojnë
Valët e para të cunamit, disa më shumë se një metër të larta, kanë arritur në bregun e prefekturës Ishikaëa – por autoritetet kanë paralajmëruar për valë deri në 5 m (16ft)
Është hera e parë që lëshohet një paralajmërim i madh për cunami që nga tërmeti i vitit 2011 në Japoni.
Autoritetet kanë lëshuar gjithashtu paralajmërime për cunami për prefekturat fqinje Niigata dhe Toyama, duke paralajmëruar se dallgët atje mund të arrijnë 3 metra.
Asnjë parregullsi nuk është raportuar nga termocentralet bërthamore përgjatë Detit të Japonisë, ka thënë Autoriteti i Rregullores Bërthamore të vendit./teve1.info/
