Sulmuesi Joao Pedro do të largohet nga skuadra e Brightonit me të përfunduar edicioni aktual. Largimin e tij nga Brightoni e ka konfirmuar edhe trajneri Roberto De Zerbi. Ai ka thënë se Pedro pritet të transferohet në ndonjë skuadër më të madhe në verë, ndërsa ka konfirmuar se Brightoni tashmë ka refuzuar shumë oferta për lirimin e sulmuesit në janar.
Braziliani është blerja rekorde e Brightonit, ekip të cilit iu bashkua në verë nga Watfordi për 35 milionë euro dhe po shkëlqen në edicionin e tij të parë.
ADVERTISEMENT
22-vjeçari ka shënuar 13 gola në 26 paraqitje në të gjitha garat, ndërsa me Brightonin ka kontratë deri në vitin 2028. Në nëntor të këtij viti, Pedro ka debutuar edhe me Përfaqësuesen e Brazilit.
