Ambasadori i Shteteve të Bashkuara të Amerikës në Prishtinë, Jeff Hovenier, ka publikuar një video adresim në prag të Vitit të Ri.
Hovenier tha se gjatë vitit 2023 ka pasur momente të vështira dhe është arritur shumë përparim, gjë që sipas tij, duhet pranuar dhe festuar.
Derisa ka theksuar se partneriteti dhe miqësia në mes të SHBA-së dhe Kosovës mbetet e fortë.
Teksa sa i përket dialogut Kosovë-Serbi ai ka thënë se SHBA-ja pret përparim të njëmend gjatë vitit 2024, duke kërkuar nga Kosova dhe Serbia që të përmbushin obligimet që dalin nga Marrëveshja e Ohrit.
Tutje ka kërkuar nga Kosova që të themelojë Asociacionin e Komunave me Shumicë Serbe.
“Përfundimisht ky proces i normalizimit përmbyllet me njohjen e ndërsjellë ndërmjet Kosovës dhe Serbisë, përderisa të dy vendet kërkojnë të përmbushin rrugëtimin e tyre drejtë BE-së”.
“Në vitin 2023, edhe pse kemi përjetuar disa momente të vështira së bashku, është arritur shumë përparim që duhet ta pranojmë dhe festojmë. Mbi të gjitha, partneriteti dhe miqësia jonë mbetet e fortë. Ju uroj një 2024 të lumtur, të shëndetshëm dhe të begatë për ju dhe tuajin”, ka shkruar Hovenier./teve1.info./
In 2023, though we have experienced some difficult moments together, a lot of progress has been achieved that we should acknowledge and celebrate. Above all, our 🇺🇸🇽🇰 partnership & friendship remains strong. Wishing you and yours a happy, healthy, and prosperous 2024. pic.twitter.com/GJsDvOCwXz
— Ambassador Jeff Hovenier (@USAmbKosovo) December 29, 2023
