Prova kryesore në rastin e vrasjes së Donjeta Pajazitajt është dërguar në Shtetet e Bashkuara të Amerikës për ekzaminim.
Për teve1.info zëdhënësi i Prokurorisë Themelore në Pejë, Shkodran Nikçi, konfirmoi se prova është dërguar përmes Ambasadës Amerikane dhe pas pranimit të raportit do të kryejnë veprimet ligjore për gjetjet e tij.
“Kjo provë është dërguar më herët në shtetin e Turqisë mirëpo nuk kemi pranuar rezultate të detajuara me ç’rast është dashur të dërgohet në ShBA. Ne jemi optimist se do të ketë të gjetura”, tha ai.
Ndërkohë që kujtojmë se Donjeta Pajazitaj në vitin 2015 ishte privuar nga jeta në bjeshkët e Strellcit në mënyrë mizore të cilën vrasje pretendohet se e ka kryer Naser Pajazitaj, kushëriri i saj.
Në qershor të vitit 2022 Gjykata Themelore në Ferizaj e kishte dënuar të akuzuarin Pajazitaj me burgim të përjetshëm, ndërsa Gjykata e Apelit e kishte ulur dënimin me burgim në kohëzgjatje prej 35 vitesh.
Në prill të këtij viti, Gjykata Supreme e kishte liruar nga akuzat për vrasje, Naser Pajazitajn./teve1.info