Shërbimi Spitalor Klinik dhe Universitar i Kosovës ka thënë se reagimi i shpejtë nga stafi shëndetësorë ka bërë që pacientit R.M., 75 vjeçar, t’i shpëtohet jeta.
Sipas tyre, pacienti kishte ardhur në Klinikën e Kardiologjisë në QKUK, pasi kishte pësuar infarkt akut të miokardit, gjendje pas implantimit të CRT, Cardiomyopathy Dilatativa, Insuficiencë e avancuar kardiake, si dhe sëmundje e sheqerit.
“Fillimisht pacientit i ishte bërë Koronarografia dhe vërtetohet se ka ngushtime (stenoza) të avancuara të arterieve koronare, duke përfshirë edhe trungun e përbashkët (left main).
Për shkak të kompleksitetit së sëmundjes kardiake (zemër e dilatuar, me fraksion ejeksioni rreth 25%, me pajisje sinkronizuese të zemrës – CRT të implantuar me herët), konziliumi kardiologë- kardiokirurgë vendosi për stentimin e trungut të përbashkët (unprotected left main coronary artery disease), pasi që pacienti ka rrezikshmëri të lartë për operacion të hapur (by-pass)”, thuhet në njoftim.
Tutje, thuhet se stentimi i kryer në Klinikën e Kardiologjisë të Qendrës Klinike Universitare të Kosovës, është trajtuar me sukses – stentimi i LM-LAD tek pacienti 75 vjeç, dhe kjo paraqet një nga ndërhyrjet mëkomplekse në fushën e Kardiologjisë Invazive.
“Trajtimi i tillë bëhet vetëm në qendrat e njohura të kardiologjisë invazive në botë”, thuhet në njoftim./teve1.info
