Qeveria e Kosovës ka miratuar ndarjen e mjeteve për shtesat e njëhershme në vlerë 100 euro për të gjithë fëmijët nën moshën 16- vjeç dhe pensionistët.
Vendimi është marrë në mbledhje online të zhvilluar të enjten në mbrëmje.
Vendimi për ndarjen e 69 milionë eurove është marrë në mbledhjen elektronike të Qeverisë të enjten.
Kur u mor vendimi paraprak, javën e shkuar, ministri i Financave, Hekuran Murati, pati thënë se ekzekutimi do të bëhet “ditëve në vijim”.
Në këtë mbledhje Qeveria ka marrë edhe disa vendime:
– Plotësuar dhe ndryshuar vendimin e Qeverisë Nr. 05/128 të datës 16 shkurt 2023.
– Plotësuar dhe ndryshuar vendimin e Qeverisë Nr. 02/157 të datës 30 gusht 2023.
– Plotësuar dhe ndryshuar vendimin e Qeverisë Nr. 05/169 të datës 27 tetor 2023.
– Miratuar vendimin për kursime dhe ndarje buxhetore.
– Ndarë mjetet për shtesat e njëhershme prej 100 euro për fëmijët nën moshën 16 vjeç dhe pensionistmarrësit.
-Miratuar vendimin e Ministrisë së Mbrojtjes për dërgimin e Kontingjentit të FSK-së në operacionin humanitar, sipas kërkesës së Republikës së Shqipërisë, me qëllim të dhënies së ndihmës në kërkim-shpëtim.
– Aprovuar nismën për lidhjen e Marrëveshjes për Bashkëpunim në Fushën e Sigurisë ndërmjet Qeverisë së Republikës së Kosovës dhe Qeverisë së Republikës së Turqisë.
– Aprovuar nismën për lidhjen e Marrëveshjes për Bashkëpunimin Policor ndërmjet Qeverisë së Republikës së Kosovës dhe Qeverisë së Republikës Çeke./teve1.info/