Mbrojtësi Presnel Kimpembe ka rinovuar kontratën me Paris Saint-Germainin, ka bërë të ditur klubi francez. Me rinovimin e kontratës, Kimpembe do të jetë pjesë e Parisit deri në verën e vitit 2026.
28-vjeçari është shprehur tejet i lumtur që do të jetë pjesë e ekipit të tij të fëmijërisë edhe për një periudhë të gjatë. Ai ka insistuar se do të vazhdojë të japë maksimumin dhe do ta ndihmojë ekipin në arritjen e objektivave.
Kimpembe është produkt i akademisë së Parisit, ndërsa pjesë e ekipit të parë është prej vitit 2015. Kimpembe këtë edicion nuk e ka regjistruar ende asnjë paraqitje për klubin francez për shkak të lëndimit që e pësoi para fillimit të këtij edicioni.
Ai pritet të rikthehet në fushë vitin tjetër, ndërsa për Parisin ka mbi 200 paraqitje në të gjitha garat. Kimpembe ka edhe 28 ndeshje të luajtura për Francën.
