Nagavci tha se deputeti si përfaqësues i popullit duhet të jetë shembull i një personi që flet për emancipim.
“Kuvendi nuk është thjesht institucion i përfaqësimit të popullit, por edhe vend i shembullit të diskursit e veprimtarisë publike. Deputeti si përfaqësues i popullit duhet të jetë shembull i një personi që jo vetëm që flet për emancipim, por edhe vet t’i prijë atij. Pavarësisht këtyre përgjegjësive publike shpeshherë kemi dëgjuar gjuhë prej më të rëndave, në shumicën e rasteve ndaj grave të cilat jo vetëm si Kuvend, por edhe si shoqëri i kemi dënuar. Edhe më e rëndë bëhet situata kur një grua me gjuhë seksiste sulmon një grua tjetër. Kur mendon që lufta është thjesht gjinore t’i sheh një grua që ultësisht godet një grua, Presidenten e vendit, duke gjykuar pamjen. Inati politik nuk duhet të na degjenerojë deri në këtë gjuhë ndaj askujt”, shkroi Nagavci në Facebook.
Ajo tha se deputet nuk mund të jetë personi që sulmon gruan, sipas saj deputeti i vërtetë e dënon këtë gjuhë.
Deputetja ElizaHoxha në një postim në Facebook gjatë ditës ka komentuar “tri karakteristika” siç i ka quajtur ajo të presidentes Vjosa Osmani, ku ndër të tjerash i ka dhënë edhe “komplimente për dukjen”.
“Një gjë duhet ta pranojmë – komplimenta për dukjen!”, kishte shkruar ndër të tjera Hoxha.