Kryeministri i Republikës së Kosovës, Albin Kurti, vizitoi Fondin e Kursimeve Pensionale të Kosovës (Trust), raporton teve1.info
Sipas një komunikate për medie, Kurti i ofroi mbështetje Trustit në ngritjen e resurseve njerëzore e të financave.
“Gjatë diskutimit, kryeministri Kurti konfirmoi mbështetjen për institucionin, sidomos në avancimin profesional dhe ngritjen e resurseve njerëzore në fushën e financave. Ai shtoi se fuqizimi i institucionit është i rëndësishëm, marrë parasysh peshën e madhe që fondi ka krahas ekonomisë, por edhe si instrumenti kryesor për sigurimin e një pensioni të dinjitetshëm në të ardhmen”, thuhet në komunikatë.
Kjo ishte vizita e parë e një kryeministri të shtetit në zyrat e Fondit të Kursimeve Pensionale të Kosovës, që prej pavarësisë.