Policia e Kosovës ka arrestuar sot një person në Suharekë i cili dyshohet se pas një mosmarrëveshjeje me bashkëshorten e tij, ka ushtruar dhunë fizike ndaj saj.
Sipas PK-së, gjatë kontrollit te i dyshuari XH.L. i lindur më 1963, është mësuar se i njëjti posedon edhe armë pa leje, raporton teve1.info
“Njësitet policore menjëherë i janë përgjigjur thirrjes duke lokalizuar lokacionin, identifikuar dhe arrestuar të dyshuarin i cili dyshohet se pas një mosmarrëveshje me bashkëshorten e tij ka ushtruar dhunë fizike ndaj saj. Sektori i hetimeve të Stacionit Policor në Suharekë gjatë hetimit të rastit të dhunës në familje ka gjetur prova se i dyshuari Xh.L. i vitit të lindjes 1963 posedon armë pa leje. Me leje të prokurorit të shtetit, sektori i hetimeve ka realizuar një kontrolle në shtëpinë e të dyshuarit, ku gjatë kontrollit janë gjetur dhe konfiskuar: Një pistoletë e llojit EKOL specila e kalibrit 9mm, Një karikator i armës dhe Dymbëdhjetë copë fishekë të kalibrit 7.65 mm”, thuhet në njoftim.
Ndaj të dyshuarit është caktuar masa e ndalimit për 48 orë dhe ndaj tij do të ngritet kallëzim penal për veprat penale “Dhunë në familje” dhe “Mbajtja në pronësi, kontroll ose posedim të paautorizuar të armëve”. /Teve1.info/
