Kryetari i PDK-së, Memli Krasniqi ka vizituar Nasim Haradinaj, i cili u lirua dje nga Haga.
Krasniqi tha se atij i uruam kthimin në vendlindje dhe shpreson që edhe ‘beteja’ e fundit e Thaçit dhe të tjerëve të përfundojë sa më parë.
“U ul në odë mes burrave, kapi çiftelinë dhe ia tha këngës. Kjo ishte gjëja e parë që Nasimi bëri dje pasi u kthye nga Haga. Natyrisht, jo nga gëzimi për vetveten, por nga malli që shokët i mbetën mbrapa – sepse vaji i burrit është kënga.
Sot, bashkë me kolegë dhe bashkëpunëtorë e vizituam në Gllogjan dhe i uruam lirimin e kthimin pranë familjes e shoqërisë. Uroj që edhe beteja e fundit e Hashim Thaçit, Kadri Veselit, Jakup Krasniqit, Rexhep Selimit dhe bashkëluftëtarëve të tyre të përfundojë sa më parë e t’i kemi edhe ata përsëri në mesin tonë. Mirë se vjen, Nasim”, ka shkruar Krasniqi në Facebook./teve1.info