Tifozët e Chelseat do të marrin një lajm të mirë këtë vikend, pasi ka gjasa që mund ta shohin për herë të parë Christopher Nkunku në fanellën e ekipit të tyre të zemrës.
Francezi iu bashkua gjatë verës bluve, por për shkak të dëmtimit nuk ka debutuar ende, ndërsa këtë fundjavë do të jetë pjesë e skuadrës dhe vendoset nga Pochettino nëse do të ketë minuta për të në ndeshjen që Chelsea e zhvillon kundër Sheffield United, me fillim nga ora 16:00.
Përveç Nkunku në stërvitje është kthyer edhe Malo Gusto, por në listën e lëndimeve mbeten Marc Cucurella, Reece James dhe Robert Sanchez.
