Trajneri i Ballkanit, Ilir Daja ka publikuar formacionin për ndeshjen kundër Dinamos së Zagrebit. Kjo përballje nis në orën 21:00 dhe zhvillohet në stadiumin “Maksimir” të Zagrebit. I takon xhiros së fundit të fazës grupore të Ligës së Konferencës dhe luhet në kuadër të Grupit C. Në portë te Ballkani është Enea Koliçi, ndërsa mbrojtja përbëhet nga Lumbardh Dellova e Bajram Jashanica në qendër, si dhe Gentrit Halili e Armend Thaqi në krah. Kapiteni Edvin Kuç do të jetë në mesfushë së bashku me Nazmi Gripshin, Qëndrim Zybën dhe Lorenc Trashin. Ndërkohë, sulmit do ti prijnë Walid Hamidi e Albin Berisha.
