Ministrja e Drejtësisë, Albulena Haxhiu ka reaguar pasi Qeveria dje ka themeluar Grupin Ndërinstitucional për parandalimin e martesave të hershme në komunitetet rom, ashkali dhe egjiptian.
Me këtë rast, Haxhiu ka thënë se kjo çështje në këto komunitete është ndër më të patrajtuarat që nga paslufta, raporton teve1.info
Ajo është shprehur e bindur se themelimi i këtij grupi do të ndihmojë në vetëdijësimin e shoqërisë për parandalimin e martesave të hershme.
“Problematika e martesave të hershme në këto komunitete është ndër çështjet më të pa trajtuara që nga paslufta dhe si rezultat i tyre, jo rrallë herë vihet në rrezik jeta dhe shëndeti i vajzave të reja. Çështja e martesave nën moshën 18 vjeçare është trajtuar edhe me draftin e Kodit Civil i cili së shpejti do të procedohet në Kuvend megjithatë jam e bindur që themelimi i këtij grupi do të ndihmojë në vetëdijësimin e shoqërisë për pasojat e martesave të hershme dhe parandalimin e tyre”, ka shkruar ajo në Facebook. /Teve1.info/
