Tifozët e Manchester Unitedit kanë vërshëllyer futbollistët e skuadrës pas turpërimit që e pësuan në shtëpi nga Bournemouthi në Premier League.
Unitedi të shtunën në “Old Trafford” pësoi humbje 3:0 në kuadër të xhiros së 16-të.
Dominic Solanke në minutën e pestë, Philip Billing në minutën e 68-të dhe Marcos Senesi në minutën e 73-të, shënuan golat e fitores për skuadrën mysafire.
Në minutën e dytë të kohës shtesë, Bournemouthit iu anulua edhe një gol.
Kjo humbje erdhi vetëm tri ditë pasi trajneri Erik ten Hag me Unitedin, e mposhti skuadrën e Chelseat dhe uli zërat kritikues.
Në 16-të ndeshje të luajtura, Unitedi ka grumbulluar 27 pikë, kurse Bournemouthi ka 19 pikë.
