Doarsa Kica-Xhelili është shprehur falënderuese pas zgjedhjes së saj sot si nënkryetare e Lidhjes Demokratike të Kosovës (LDK).
Në një postim në Facebook, Kica-Xhelili është shprehur se LDK-ja ishte “familje e natyrshme politike”, raporton teve1.info
“Të them vetëm ‘Falemnderit’, sikur zbut madhështinë e raportit që kam krijuar me LDK dhe njerëzit e mirë të saj. Por, po e nis me një falënderim ndaj kryetarit Abdixhiku, që pa në mua atë që unë pashë në këtë familje. Besim reciprok për qëllimet më fisnike. LDK ishte familje e natyrshme politike. Kjo histori, pavarësisht që ka rrugë të pabërë ende, e ka një fillim – shtyllë, të ndërtuar mbi besim reciprok në kohë të vështirë, dhe kohërat e vështira gjithmonë zbulojnë karakterin real të një raporti. Ju falemnderit dhe një herë për besimin”, ka shkruar ajo.
LDK-ja ka zgjedhur sot kryesinë e re pas mbledhjes së Këshillit të Përgjithshëm. Në krye të partisë është Lumir Abdixhiku, pastaj me Anton Quni si nënkryetar për Mërgatë, Hykmete Bajrami, nënkryetare për Politika Zhvillimore, Doarsa Kica Xhelili, nënkryetare për Marrëdhënie me Jashtë, Gazmend Muhaxheri, nënkryetar për Organizim Partiak, Lutfi Haziri, nënkryetar për Bashkëpunim Rajonal.
Ndërkohë, sekretarë u zgjodhën Imri Ahmeti dhe Sokol Haliti. /Teve1.info/
