Ministri i Financave, Hekuran Murati, ka bërë të ditur se Komuna e Ferizajt po bëhet me Impiant për Trajtimin e Ujërave të Zeza.
Murati tha se BERZh i është përgjigjur pozitivisht ftesës, dhe pas gati 10 muaj punë përgatitore është finalizuar drafti i marrëveshjes dhe tashmë është gati për nënshkrim.
“Në muajin shkurt të këtij viti, pata kërkuar nga BERZH që të na mbështesë në ndërtimin e impiantit për trajtimin e ujërave të zeza në Ferizaj. Kam kënaqësinë t’ju njoftoj se BERZH është përgjigjur pozitivisht, dhe pas gati 10 muaj punë përgatitore nga ekipet punuese, kemi finalizuar draftin e marrëveshjes dhe tani është gati për nënshkrim”, ka shkruar Murati në Facebook.
Tutje, Murati tha se ky projekt do të ketë ndikim të jashtëzakonshëm në ruajtjen e ambientit në komunën e Ferizajt dhe atë të Kaçanikut.
