Qeveria e Kosovës pritet ta lansoj mashne punësimit për gratë e mbijetuara të dhunës, raporton teve1.info
Sipas një njoftimi për medie të Zyrës së Kryeministrit, aktiviteti do të mbahet në kuadër të fushatës “16 Ditët e Aktivizmit Kundër Dhunës me Bazë Gjinore”, derisa pritet të merr pjesë edhe ministri i Financave, Hekuran Murati dhe ajo e Drejtësisë, Albulena Haxhiu.
“1. Kryeministri i Republikës së Kosovës, Albin Kurti së bashku me ministren e Drejtësisë, Albulena Haxhiu dhe ministrin e Financave, Punës dhe Transfereve, Hekuran Murati, në kuadër të fushatës “16 Ditët e Aktivizmit Kundër Dhunës me Bazë Gjinore”, lansojnë Masën e Punësimit për Gratë e Mbijetuara të Dhunës”, thuhet në njoftim.
Sipas agjendës së kryemisnitrit, Kurti po ashtu do të marrë pjesë edhe në një tryezë diskutimi mbi dokumentimin e krimeve të kryera gjatë luftës në Kosovë.
“2. Kryeministri i Republikës së Kosovës, Albin Kurti, merr pjesë në tryezën e diskutimit me përfaqësuesit e institucioneve dhe organizatave, lidhur me hulumtimin dhe dokumentimin e krimeve të kryera gjatë luftës në Kosovë”, thuhet në njoftimin e Qeverisë.
Të dy aktivitetet pritet të mbahen në ndërtesën e Qeverisë së Republikës së Kosovës.
