Gjatë ditës së djeshme një grua ka lindur para kohe foshnjën e saj në Klinikën e Gjinekologjisë, në Qendrën Klinike Universitare të Kosovës.
Drejtori i kësaj klinike, Zef Ndrejaj në një përgjigje për Teve1, tha se foshnja ka lindur në muajin e tetë, derisa sipas tij, në vendin e ngjarjes kanë qenë edhe Policia e Kosovës.
“Dhunë ka pasur por, nuk mund te them se ka qenë shkaktari i lindjes”, tha ai.
Tutje Ndrejaj shtoi se “foshnja dhe nëna 22 – vjeçare janë në Klinikën e Gjinekologjisë, ku po trajtohen aktualisht. Derisa gjendja e tyre është stabile”./teve1.info./