Ministri i Bujqësisë, Faton Peci në Kuvendin e Kosovës ka folur për mënyrën e kompensimin të dëmeve në bujqësi, të shkaktuar nga vërshimeve.
Peci tha se vlerësimi dhe kompensimi i dëmeve do të bëhet nga një Komision në kuadër të Ministrisë së Brendshme.
Derisa sipas tij, në vitin 2021 janë ndarë 1 milion e 688 mijë euro, kurse në vitin 2022, janë ndarë 2.8 milionë për dëmet në bujqësi.
“Me të drejtë shprehët shqetësimet tuaja për vershimet me 23 janar të vitit 2023 ku komunat kanë pësuar dëme. Besoj që jeni të njoftuar, Komisioni Qendror është organi kryesor për vlerësimin e të gjitha dëmeve. Komisioni që do të bëjë këtë vlerësim funksionon në kuadër të MPB-së. Në vitin 2021 janë ndarë 1 milion e 688 mijë euro, në vitin 2022, 2.8 milionë për dëmet në bujqësi. Në vitin 2023 kemi mbetur borxh 1.2 milion euro për shkak të gabimeve të komunave. Tash e tutje do të kompensohen nga Sekretariati e Qeveria”, tha Peci./teve1.info./
