Deputetët e Lidhjes Demokratike të Kosovës, Avdullah Hoti dhe Driton Selmanaj, kanë zhvilluar takim me përfaqësuesin special të SHBA-së për Ballkanin Perëndimor Gabriel Escobar.
Hoti ka thënë se takimi u karakterizua me biseda të hapura, me theks të veçantë për dialogun me Serbinë.
Ai ka thënë se bashkëpunimi i ngushtë me SHBA-në është rruga që garanton epilog të mirë secilit proces për Kosovën.
“Takimin e karakterizuan biseda të hapura dhe të sinqerta me theks të veçantë për sfidat që po kalon Republika e Kosovës në procesin e dialogut me Serbinë. Bashkëpunimi shumë i ngushtë me SHBA-të, është rruga e vetme që garanton epilog të mirë të secilit proces për Kosovën. Kosova dhe shqiptarët janë të bekuar me miqësinë që kemi me SHBA-të”, ka shkruar Hoti.