Smajl Latifi, kryetari i Rahovecit, komunë kjo e cila njihet që shumë qytetarë merren me bujqësi, ka kritikuar mënyrën se si po bëhet ndarja e subvencioneve dhe koha e thirrjes për grante.
Ai ka thënë se vonesat në pagesat e subvencioneve po krijon probleme për bujqit.
Latifi në emisionin “InfoNata” në Tëvë 1, tha se në takim me kryeministrin kanë kërkuar që thirrjet për subvencione të hapet me kohë dhe thirrjet për grante në fillim të vitit.
“Kemi paraqitur shqetësimet, nevojat dhe kemi kërkuar thirrjet për subvencione të hapen me kohë, kur i duhet fermerit dhe thirrjet për grante të hapen në fillim të vitit”, ka thënë Latifi.
Kryetari i Rahovecit ka thënë se mungesa e noterit në këtë qytet, është në tjetër shqetësim për fermerët por edhe gjithë qytetarët.
“Mungesa e noterit po shkakton problem për bujqit sepse ata dokumentet për aplikime duhet t’i noterizojnë. Ne kemi një noter që vije vetëm një herë në javë dhe kjo nuk është zgjidhje”, ka thënë ai.