“Tani ka një zbehje të këtij bashkëpunimi sepse nuk duket që kemi një bashkëpunim të niveleve të larta me Shtete e Bashkuara të Amerikës dhe nuk duket që kemi një koordinim ose bashkërenditje të veprimeve të cilat merren këtu me SHBA-të dhe me vendet e tjera. Çuarja e Policisë, Njësisë Speciale në Veri themi pa konsultime me Ndërkombëtarët që nuk ka ndodhur kurrë flet për atë se mungon akoma një vetëdije se disa gjëra nuk mund të bëhen vet. Ne jemi shtet, e konsiderojmë vetën shtet sovran të pavarur e respektojmë integritetin territorial mirëpo duhet të kemi parasysh që e kemi në fuqi akoma rezolutën 1244 e kemi KFOR-in këtu i cili i ruan kufijtë e Kosovës, i kemi Ambasadat e vendeve më të rëndësishme duke u nisua nga Shteteve të Bashkuara të Amerikës, Gjermanisë, Britanisë së Madhe, Francë etje me të cilat gjithmonë janë bashkërenditur gjërat, jo që ne jemi nënshtruar kërkesave dhe vullnetit të tyre por faktit që në nuk kemi bërë veprime pa i njoftuar, nganjëherë ne dhe pse i kemi njoftuar i kemi bërë veprimet tona mirëpo gjithmonë kanë qenë në rrjedhë të asaj se çfarë po ndodhë. Tani nuk ka një koordinim të till”, është shprehur Mustafa.
Më tej ish – Kryetari i Lidhjes Demokratike të Kosovës ka pohuar se Kosova nuk mund të anëtarësohet në asnjë organizatë ndërkombëtare pa përkrahjen e e Shteteve të Bashkuara të Amerikës.
“Të gjithë ne e kemi ditur se nuk mund të anëtarësohemi në asnjë organizatë ndërkombëtare në qoftë se nuk e kemi përkrahjen e Shteteve të Bashkuara të Amerikës, as në Interpol as në organizata e tjera Ndërkombëtare në qoftë se SHBA-ja thotë se nuk ju përkrahi për një vit që ju të anëtarësoheni, atëherë do të ishte vetëm kapriqe sepse e dimë që pa ta ne nuk mund të ofrohemi as te dera e ndonjë organizate ndërkombëtare jo më që të marrim votë”, ka shtuar Mustafa në Tëvë1.